తవ్వేకొద్దీ బంగారం… శివ శివా….

తమిళనాడు తిరుచిరాపల్లి లోని ఈశ్వరుని ఆలయం .. పేరు జంబుకేశ్వరర్ దేవాలయం .. అక్కడి అఖిలాండేశ్వరి గుడి సమీపంలో మట్టిని శుభ్రం చేస్తుండగా ఒక మట్టి కుండ బయల్పడింది .. దానిని తెరచి చూడగా 505 బంగారు నాణాలు కనిపించాయి … వాటిపై అరబిక్ లిపి ఉంది. దీనిని బట్టి ఇవి క్రీ.శ. 1000-1200 మధ్య కాలానికి చెందినవని భావిస్తున్నారు. ఇందులో ఒకటి చాలా పెద్ద నాణెం కాగా .,504 మాత్రం చిన్నవిగా వున్నాయి. వీటి బరువు ఒక కిలో 716 గ్రాములు ఉంటుందని తేలింది.

ఏడు అడుగుల లోతులో ఇవి బయటపడ్డాయని తెలిసింది . హిందూ మత సంఘాలు, దేవాదాయశాఖ ఆధ్వర్యంలో వీటిని పోలీసులకు అందజేశారు . ప్రస్తుతం ఈ నాణేలను ట్రెజరీలో భద్రపరిచారు. ఈ నాణేలపై అధ్యయనం జరగనుంది.

అఖిలాండేశ్వరి సమేత జంబుకేశ్వర ఆలయాన్ని 1800 సంవత్సరాల క్రితం చోళ మహారాజు కొట్చెంగన్నన్ నిర్మించినట్లు నమ్ముతారు. ఈ ఆలయం కాంప్లెక్స్, పెద్ద పెద్ద కట్టడాలు ., గోపురాలతో నిర్మించినట్లు
చెబుతున్నారు. కొంతకాలం, ఈ ఆలయానికి వెండి వాహనాలు ., బంగారు ఆభరణాలు విరివిగా వచ్చినట్లు చెబుతున్నారు . అంతే కాకుండా భూమి విరాళాలు కూడా బాగా వచ్చాయి.