Home Entertainment Cinema

బ్యాంకాక్‌లో నన్ను అలా వాడుకున్నారన్న నటి…

మీటూ ప్రకంపనలు ఇండస్ట్రీలో ఇంకా చిచ్చు రేపుతూనే ఉన్నాయి. ఒక్కో హీరోయిన్ ఒక్కో సంఘటన సోషల్ మీడియా వేదికగా బయటపెడుతుండటంతో బడా,బడా హీరోలు కూడా బిక్కు ,బిక్కుమంటూ కాలం గడుపుతున్నారు. ఇలాంటి అనుభవాన్నే మరో హీరోయిన్ భయటపెట్టింది.

‘బుజ్జిగాడు’ సినిమాతో టాలీవుడ్‌కు పరిచయమైన కన్నడ నటి సంజనా గల్రానీ కూడా మీటూలో చేరింది. 15 ఏళ్ల వయస్సులో సినిమా అవకాశాల కోసం కన్నడ సినీ పరిశ్రమలో అడుగుపెట్టిన సంజనా తనకు బ్యాంకాక్ లో ఎదురైన చేదు అనుభవాలను భయటపెట్టింది. ఈ ఆరోపణల్లో సంజనా ఎవరి పేర్లు వెల్లడించలేదు. కన్నడలో విడుదలైన ‘మర్డర్’ రీమేక్ చిత్రం ‘గంద హెందాతీ’ సినిమా షూటింగ్‌లో ఎదుర్కొన్న వేధింపులు గురించి మాత్రమే చెప్పింది.

15 ఏళ్ల వయస్సులో రంగుల ప్రపంచంలో విహరించాలని కలలు గంటూ సినీ రంగంలో అడుగుపెట్టాను. ఆ సమయంలో ఓ దర్శకుడు నాకు ‘మర్డర్’ సినిమా చూపించి, దాన్ని కన్నడలో రీమేక్ చేద్దామని అనుకుంటున్నా అని చెప్పాడు. అయితే, అందులో ముద్దు సన్నివేశాలు చూసి నేను చేయనని తిరస్కరించా. దక్షిణాది ప్రేక్షుకుల అభిరుచికి తగినట్లు ఈ సీన్లను మార్పు చేస్తామని చెప్పడంతో ఆ సినిమాకు ఒప్పుకున్నా. సినిమాలో ముద్దు సన్నివేశాలు చేయాలని కోరడంతో కేవలం ఒక్క ముద్దు సన్నివేశం మాత్రమే చేస్తానని చెప్పాను. ఆ సన్నివేశాలను బ్యాంకాక్‌లో చిత్రీకరించారు అని చెప్పింది సంజనా.

ఆ షూటింగ్ సమయంలో ముద్దు సీన్లతో పాటు.. తన శరీరాన్ని అసభ్యకరంగా చిత్రించారంటూ ఆవేదన వ్యక్తం చేసింది. నా స్తనాలు, కాళ్లపై కెమేరాలు పెట్టి అసభ్యకర సన్నివేశాలు చిత్రీకరించారు’. . ఆ సమయంలో అమ్మని కూడా నా వెంట తీసుకెళ్లా. అయితే, దర్శకుడు ఆమెను షూటింగ్ స్పాట్‌కు రానివ్వలేదు. షూటింగ్ మొదలైన తర్వాత నాపై ఎన్నో ముద్దు సీన్లను బలవంతంగా చిత్రీకరించారు. ఇందుకు నేను వ్యతిరేకించాను. అంటూ సంజనా తనకు ఎదురైన చేదు అనుభవాలను వెల్లడించింది. దర్శకుడు చెప్పింది చేయాలని, లేకపోతే ఇండస్ట్రీలో నీకు భవిష్యత్తు ఉండదని హెచ్చరించారన్న సంజన . నేను చిన్నపిల్లని కావడంతో నా అవసరాన్ని వారు అలా వాడుకున్నారు అంది.

ఇప్పటి వరకు తాను తెలుగు, కన్నడ, తమిళ భాషల్లో 45 సినిమాలు చేశానని, వాటిలో రెండు నుంచి మూడు సినిమాలకు చెందిన నిర్మాతలు, దర్శకులు తనతో అలా ప్రవర్తించారని తెలిపింది. ఇదంతా పబ్లిసిటీ గురించి చెబుతున్నా అని ప్రజలు భావించవచ్చు. కానీ, మీలో టాలెంట్ ఉంటే తప్పకుండా అవకాశాలు వస్తాయి. ఇలాంటి ఉచ్చులో చిక్కుకోవద్దని చెప్పడమే నా ఉద్దేశమని తెలిపింది. సంజనా ప్రస్తుతం తెలుగులోని ఓ ప్రముఖ టీవీ చానెల్‌లో ప్రసారమవుతున్న ‘స్వర్ణఖడ్గం’ సీరియల్‌లో నటిస్తోంది.

LEAVE A REPLY

Please enter your comment!
Please enter your name here