Home News Updates

శబరిమల వివాదంలో తొమ్మిది మందితో ధర్మాసనం

జనవరి 13వ తేదీ నుంచి శబరిమల కేసును ప్రతీ రోజు విచారించాలని చీఫ్ జస్టిస్ బాబ్డే నిర్ణయించారు. ఈ మేరకు ఆదేశాలు జారీ చేశారు. తొమ్మిది మంది సభ్యులున్న విస్తృత ధర్మాసనంలో జస్టిస్ ఆర్. భానుమతి, జస్టిస్ అశోక్ భూషణ్, జస్టిస్ ఎల్. నాగేశ్వర రావు, జస్టిస్ మోహన్ ఎం. శంతన్‌గౌడర్, జస్టిస్ అబ్దుల్ నజీర్, జస్టిస్ ఆర్. సుభాష్ రెడ్డి, జస్టిస్ బీఆర్ గవై, జస్టిస్ సూర్యకాంత్ సభ్యులుగా నియమితులయ్యారు.

శబరిమల అయ్యప్ప స్వామి దర్శనం విషయంలో మహిళల పట్ల వివక్ష వద్దంటూ దాఖలైన పిటీషన్లపై ఇకపై రోజువారీగా విచారించాలని నిర్ణయించిన సుప్రీంకోర్టు చీఫ్ జస్టిస్ ఎస్.ఏ.బాబ్డే తొమ్మిది మంది సభ్యులు గల విస్తృత ధర్మాసనాన్ని నియమించారు. భారత ప్రధాన న్యాయమూర్తి ఎస్ఏ బాబ్డే నేతృత్వంలో ఏర్పాటైన విస్తృత ధర్మాసనంలో ఇద్దరు తెలుగు న్యాయమూర్తులకు చోటు దక్కింది. జస్టిస్ ఎల్. నాగేశ్వర్ రావు, జస్టిస్ ఆర్.సుభాష్ రెడ్డి తొమ్మిది మంది సభ్యులు గల ధర్మాసనంలో సభ్యులుగా నియమితులయ్యారు.