Home Entertainment Cinema

పోర్న్‌ సైట్స్‌ బ్యాన్ పై ఫైరవుతున్న నెటిజన్లు….

SHARE

అడల్ట్ కంటెంట్ సైట్స్‌ను కేంద్రం నిషేధిస్తూ తీనుకున్న నిర్ణయం పట్ల విచిత్రమైన స్పందనే వ్యక్తమవుతుంది. మీటూ రేంజ్ లో దీనికి హైప్ క్రియోట్ చేస్తున్నారు. మరోవైపు పోర్న్ సైట్స్ నిషేధించడాన్ని తప్పుబడుతూ వేలాది మంది ట్విట్టర్‌‌లో ఓ ప్రత్యేక హ్యష్‌టాగ్ ద్వారా తమ నిరసన వ్యక్తం చేస్తూ హల్ చల్ చేస్తున్నారు. అడల్ట్ కంటెంట్ సైట్స్‌ను నిషేధించడం లాంటివి ఐటీ చట్టానికి విరుద్దమని, ఇది కూడా ఓ రకమైన వివక్షేనని మండిపడుతున్నారు.

దేశంలో ఇప్పటి వరకు నిషేధిత పోర్న్ వెబ్‌సైట్స్‌ సంఖ్య 827కు చేరుకుంది. స్మార్ట్‌ఫోన్ వినియోగంతో వేలాది మంది వినియోగదారులు డబ్బులు చెల్లించి మరీ ఈ సైట్స్‌లో సభ్యత్వం పొందుతున్నారు. ఇక అత్యధిక శాతం మంది భారతీయులు వీక్షించే పోర్న్‌హబ్ డాట్‌.కామ్‌ కూడా ఈ నిషేధిత జాబితాలో చేరింది. అమెరికా, బ్రిటన్ వాసులు తర్వాత ఈ సైట్‌ను భారతీయులే అధికంగా వీక్షిస్తుంటారు. బిహేన్స్ డాట్‌నెట్ లాంటి పోర్న్ సైట్స్‌ తన వినియోగదారులకు యాప్ డౌన్‌లోడ్ చేసుకోమని సలహా ఇస్తాయి. ఎయిర్‌టెల్, రిలయెన్స్, జియో, వొడాఫోన్ కస్టమర్ కేర్ నుంచి కూడా ఈ సైట్స్ కి కాల్ అలర్ట్ చేస్తుంటారు.

అలాగే చైల్డ్‌, అత్యాచార పోర్న్, బీడీఎస్ఎం లాంటి వాటిపై ప్రభుత్వం కఠిన చర్యలు తీసుకోకుండా, విఙ్ఞానానికి ఉపయోగపడే వీటిని నిషేధించడం సమంజసం కాదని అభిప్రాయపడుతున్నారు. దీనిపై పోర్న్‌హబ్ సైట్ కూడా రంగంలోకి దిగింది. చట్టవిరుద్దమైన కంటెంట్‌తో నడిపే ప్రమాదకరమైన సైట్స్‌ను వదిలేసి, వీటిని నిషేధించడం ఏంటని ప్రశ్నిస్తుంది. అంతేకాదు, పోర్నోగ్రఫీకి వ్యతిరేకంగా భారత్‌లో ఎలాంటి చట్టం లేదని, వీటిని రహస్యంగా వీక్షిస్తారని అన్నారు.

మార్కెట్‌లోకి రిలయెన్స్ జియో ఎంట్రీ వల్ల డేటా ధరలు ఒక్కసారిగా అందుబాటులోకి రావడంతో దేశంలో పోర్నోగ్రఫీ చూసేవారి సంఖ్య మార్చి 2016 నుంచి మార్చి 2017 వరకు ఏడాదిలో 75 శాతం పెరిగింది. ఈ పెరుగుదల చిన్న పట్టణాల్లోనే అధికంగా ఉంది. చైల్డ్ పోర్న్ లేదా జుగుప్సాకరమైన వెబ్‌సైట్స్‌ నిషేధం ఆమోదయోగ్యమే కానీ, నైతిక నియమావళి పేరుతో అశ్లీల సైట్స్‌ను నిషేధించడం రాజ్యాంగంలోని ఆర్టికల్ 19 ప్రకారం భావప్రకటన స్వేచ్ఛ హక్కును హరించడమేనని మద్రాస్ హైకోర్టు న్యాయవాది పీకే రాజ్‌గోపాల్ అన్నారు. అయితే, నిషేధానికి మద్దతు ఇస్తున్నవారి వాదన మరోలా ఉంది. పోర్న్‌కు బానిసగా మారిన వ్యక్తులే మహిళలపై లైంగిక హింసకు పాల్పడుతున్నట్టు అనేక అధ్యయనాల్లో వెల్లడయ్యిందని అంటున్నారు. ప్రజల ఆసక్తిని ప్రభుత్వం పరిగణనలోకి తీసుకుని, నెట్ న్యూట్రాలిటీ చట్టాన్ని తీసుకురావాలని వీరు డిమాండ్ చేస్తున్నారు.