Home Entertainment Cinema

క్రేజీ మూవీ – కాపీ కాంట్రవర్సీ …

SHARE

దళపతి విజయ్, సెన్సేషనల్ డైరెక్టర్ ఎ.ఆర్.మురుగదాస్ కాంబినేషన్‌లో వస్తోన్న క్రేజీ మూవీ ‘సర్కార్’… కాపీ కాంట్రవర్సీ లో ఇరుక్కుంది. హిట్ కాంబినేషన్ కావడంతో ఈ సినిమాపై తమిళనాట భారీ అంచనాలున్నాయి. గతంలో వీరిద్దరి కాంబినేషన్‌లో ‘తుపాకి’, ‘కత్తి’ వంటి సూపర్ హిట్ చిత్రాలు రావడంతో ఈ సినిమా కూడా కచ్చితంగా విజయం సాధిస్తుందని విజయ్ అభిమానులు బలంగా నమ్మారు. కాని ఈ సినిమా తమిళ్ లో మాత్రమే కాస్త గుడ్ టాక్ తో నడుస్తుంది.

అయితే ఈ సినిమా అనుకున్న సమయానికి విడుదలవుతుందా? అనే అనుమానాలు చాలా మందిలో నెలకొన్నాయి. దీనికి కారణం ‘సర్కార్’ కథ తనదేనని వరుణ్ రాజేంద్రన్ అనే వ్యక్తి ఆరోపించడమే. తాను రాసుకున్న కథను మురుగదాస్ కాపీ కొట్టారని వరుణ్ ఆరోపించారు. అయితే దీన్ని మురుగదాస్ ఖండించారు. వాస్తవానికి అతని కథ, తన కథ ఇంచుమించుగా ఒకేలా ఉన్నా తాను వరుణ్ కథలో లేని చాలా విషయాలు పొందుపరిచానని మురుగుదాస్ మొదట్లో వాదించారు. వరుణ్ కోర్టుకు వెళ్తానని హెచ్చరిస్తే.. తానూ సిద్ధమేనని మురుగదాస్ సవాల్ విసిరారు. తీరా వరుణ్ మద్రాస్ హైకోర్టులో పిటిషన్ వేసిన తరవాత మురుగదాస్ రాజీకొచ్చారు.

తన కథను మురుగదాస్ కాపీ కొట్టారని సౌత్ ఇండియన్ ఫిల్మ్ రైటర్స్ అసోసియేషన్‌లో మొదట వరుణ్ ఫిర్యాదు చేశారు. ఆ తరవాత హైకోర్టు మెట్లెక్కారు. 2007లో తాను రాసుకున్న ‘సెంగల్’ కథను మురుగదాస్ కాపీ కొట్టారని, కాబట్టి సినిమాలో తనను భాగం చేయాలని, రూ.30 లక్షల పారితోషికం చెల్లించాలని.. లేని పక్షంలో ‘సర్కార్’ విడుదలను అడ్డుకోవాలని వరుణ్ పిటిషన్‌లో పేర్కొన్నారు. అయితే సోమవారం వరకు తమ మాటమీదే నిలుచున్న మురుగదాస్ టీం.. మంగళవారం రాజీకొచ్చేసింది.

వరుణ్ డిమాండ్ ప్రకారం అతని పేరును టైటిల్స్‌లో వేయడానికి, రూ.30 లక్షలు పారితోషికం చెల్లించడానికి అంగీకరించింది. ఈ విషయాన్ని వరుణ్ స్వయంగా మీడియాకు వెల్లడించారు. తన రచనను గుర్తించినందుకు చాలా సంతోషంగా ఉందని చెప్పారు. తన కథను విజయ్‌కు, అతని తండ్రి ఎస్ఏ చంద్రశేఖర్‌కు అంకితమిస్తున్నాని వెల్లడించారు. కాగా, ఈ చిత్రాన్ని సన్ పిక్చర్స్ బ్యానర్‌పై కళానిధి మారన్ నిర్మించారు. ఎ.ఆర్.రెహమాన్ సంగీతం అందించారు. విజయ్ సరసన కీర్తి సురేష్ హీరోయిన్‌గా నటించింది.